Moskva vilayətində naməlum şəxs bıçaqla kompüter klubuna hücum edib.
AzerTimes xəbər verir ki, bu barədə “Şot” (Shot) Teleqram kanalı görüntü yayıb.
“Moskva yaxınlığındakı Fryazino şəhərində bıçaqlı bir şəxs kompüter klubuna soxulub. O, əvvəlcə qapıda dayanmış şəxsə hücum edib, daha sonra isə kompüter klubunda qabağına çıxanları bıçaqlamağa çalışıb. O, üç nəfəri yaralayıb”, – deyə məlumatda bildirilir.
Məlumata görə, hadisə martın 25-i axşam saatlarında baş verib. Hazırda həmin şəxsin saxlanıldığı bildirilir.