Xəbər - Elçin Mehdiyev – Trend:
Azərbaycan pandemiya dövründə Moldovaya tibbi yardım göstərdi. Buna görə Azərbaycana təşəkkür edir və bu dəstəyi yüksək qiymətləndiririk.
AzerTimes-ın məlumatına görə, bunu Azərbaycanda səfərdə olan Moldovanın Xarici İşlər və Avropaya İnteqrasiya naziri Niku Popesku Azərbaycan xarici işlər naziri Ceyhun Bayramov ilə birgə mətbuat konfransında deyib.
O qeyd edib ki, Azərbaycan və Moldova daim bir birini dəstəkləyir. “İki ölkə arasında humanitar sahədə də səmərəli əməkdaşlıq mövcuddur”, – deyə nazir bildirib.