Abşeron rayonu Masazır qəsəbəsində evlərin heç bir tikinti normasına və tələblərə cavab verməyən şəkildə inşası aparılır.
Bu barədə AzerTimes-a qəsəbənin Cövdət Hacıyev küçəsi 28 ünvanında yaşayan sakinləri danışıb.
Belə ki, həmin ünvanda yerləşən evlərin arxa hissəsindəki 7,5 sot boş torpaq sahəsi Qalib adlı şəxs tərəfindən satın alınıb. Sözügedən şəxs ərazidə altı ikimərtəbəli ev tikməyi planlaşdırır. Hazırda evlərdən ikisi inşa edilir.
Digər evlərin isə qonşuluqda yerləşən evlərlə Azərbaycan Respublikasının Şəhərsalma və Tikinti Məcəlləsində nəzərdə tutulan ara məsafəsi saxlanmadan inşası planlaşdırılır.