İran nüvə məsələsi ilə bağlı danışıqlardan qaçmır.
AzerTimes xəbər verir ki, bunu İran Prezidenti İbrahim Rəisi deyib.
Rəisi bildirib ki, İranın tərəqqisi Qərb ölkələrinin tələblərindən asılı olmayacaq:
“Onlar dedilər ki, bizimlə razılaşın və dediyimiz müqavilələri imzalayın ki, ölkənizin problemləri həll olunsun. Biz şərəfli danışıqlara hazır olduğumuzu bildirdik. Məntiqli tələblərimiz olduğu üçün danışıqlar masasından da yayınmırıq”.
İran prezidenti xatırladıb ki, Nyu-Yorkda Fransa lideri Emmanuel Makronla məsələ ilə bağlı müzakirələr aparıb:
“Mən cənab Makron və Nyu-Yorkdakı ekspertlərdən hansı tələblərimizin məntiqsiz olduğunu demələrini xahiş etdim. Sonradan etiraf etdilər ki, bizim sözümüzdə haqq var”.