Nə NATO baş katibi, nə də ayrı-ayrı dövlətlə Alyansın yerinə qərar verə bilməz.
AzerTimes xəbər verir ki, bunu İtaliya müdafiə naziri Quido Krozetto NATO-nun baş katibi Yens Stoltenberqin Kiyevə Qərb silahları ilə Rusiya ərazisinə zərbələr endirməsinə icazə verilməsi ilə bağlı bəyanatına cavab olaraq deyib.
“NATO-nun baş katibi və ya hər hansı bir ölkə hamı üçün xətti müəyyən edə bilməz. Bu, həm Stoltenberqə, həm də Fransa Prezidenti Emmanuel Makrona aiddir. Makron Ukraynaya əsgərlərimizi göndərəcəyimizi söyləyib. Qərarlar iyulda Vaşinqtonda keçiriləcək sammitdə veriləcək. Fərdi çıxışlar heç nə demək deyil”, – nazir bildirib.