Kremennoyun azad edilməsindən sonra Ukrayna ordusunun Luqansk vilayətinin Rubejnoe və Severodonetsk şəhərlərinə yolu açılacaq.
AzerTimes xəbər verir ki, bunu Luqansk vilayət administrasiyasının rəhbəri Sergey Qayday deyib.
“Luqansk vilayətində şiddətli döyüşlər davam edir. Vəziyyət çətindir, lakin Ukrayna Silahlı Qüvvələri tərəfindən nəzarət edilir. Düzdür, irəliləmək çətindir, çünki düşmən böyük ehtiyat yığıb və hər yer minalanıb. Buna baxmayaraq, uğur hələ də Ukrayna müdafiə qüvvələrinin tərəfindədir. Luqansk vilayəti addım-addım işğaldan azad olunacaq”, – Qayday bildirib.