Belarus Prezidenti Aleksandr Lukaşenko ölkənin Bayraq, Gerb və Himn Günü ilə bağlı keçirilən bayram tədbirində iştirak etməyib.
AzerTimes xəbər verir ki, bu barədə Belarus mətbuatı məlumat yayıb.
Belarus prezidentinin saytında Lukaşenkonun təbrik çıxışı yayımlanıb. Mərasimdə onun təbrik mətnini Baş nazir Roman Qolovçenko oxuyub.
Qeyd edək ki, Belarus Prezidenti Aleksandr Lukaşenkonun səhhətinin pis olması ilə bağlı məlumatlar yayılıb. Dünən onun Respublika Kliniki Tibbi Mərkəzinə aparıldığı bildirilmişdi.