Azad Rusiya Legionu və Rusiya Könüllülər Korpusu Belqorod vilayətini azad etməkdə davam edir.
AzerTimes xəbər verir ki, bu barədə legionun Teleqram kanalında məlumat yayılıb.
“Rusiya ordusu silaha sarılan və Rusiyanın azad gələcəyi naminə açıq şəkildə Moskva rejiminə qarşı çıxmaqdan çəkinməyən vətənpərvər könüllülər qrupuna qarşı çıxa bilmədi. Rusiya vətəndaşlarının təhlükəsiz və Rusiyanın güclü olması haqqında mif bir daha məhv edildi. Əslində hakimiyyət illərdir büdcəni talayıb, yalan danışıb və deyib ki, hər şey yaxşıdır. Rusiyanın hərbi böhranlara cavab vermək üçün heç bir ehtiyatı yoxdur. Bütün hərbçilər ölüb, yaralanıb və ya Ukraynadadır. Rusiya tamamilə qorumasızdır. Belqorod bölgəsində çaxnaşma var, qismən mütəşəkkil evakuasiya təşkil olunub, lakin əksər hallarda kortəbii qaçışlar baş verir”, – məlumatda qeyd olunub.