Qar uçqunu təhlükəsi ilə əlaqədar Gürcüstan-Rusiya sərhədi (Yuxarı Lars keçid məntəqəsi) istiqamətində avtomobillərin hərəkəti bütün nəqliyyat növləri üçün bağlanıb.
AzerTimes xəbər verir ki, Msxeta-Stepantsminda-Lars beynəlxalq avtomobil yolunun Qudauri-Kobi hissəsində yol bir neçə saat ərzində minik avtomobilləri üçün açılsa da, uçqun təhlükəsi artdığı üçün yenidən bağlanıb.
Qoşqulu və yarımqoşqulu avtonəqliyyat vasitələrinə gəlincə, iki gündən artıqdır ki, yolun təhlükəli hissəsində hərəkət onlar üçün bağlıdır.