KTMT-nin Kollektiv Təhlükəsizlik Şurası təşkilatın kollektiv sülhməramlı qüvvələrinin Qazaxıstana göndərilməsi barədə qərar qəbul edib.
Trend TASS-a istinadən xəbər verir ki, bunu Ermənistanın baş naziri, 2022-ci ildə KTMT Kollektiv Təhlükəsizlik Şurasının sədri Nikol Paşinyan deyib.
“Qazaxıstan Prezidenti Kasım-Jomart Tokayevin müraciəti ilə əlaqədar və Qazaxıstan Respublikasının milli təhlükəsizliyinə və suverenliyinə, o cümlədən kənar müdaxilə nəticəsində yaranmış təhlükəni nəzərə alaraq, KTMT-nin Kollektiv Təhlükəsizlik Şurası Kollektiv Təhlükəsizlik Müqaviləsinin 4-cü maddəsinə uyğun olaraq, bu ölkədə vəziyyəti sabitləşdirmək və normallaşdırmaq üçün KTMT-nin Kollektiv Sülhməramlı Qüvvələrinin məhdud müddətə Qazaxıstan Respublikasına göndərilməsi barədə qərar qəbul edib”, – deyə Paşinyan qeyd edib.