Avropa birjasında qazın qiymətinin min kubmetr üçün 2000 dolları ötməsinə dair bugünkü xəbərlər Rusiyaya qarşı sanksiyaları genişləndirmək üçün kifayət qədər əsasdır.
AzerTimes xəbər verir ki, bunu Ukrayna Prezidenti Vladimir Zelenski deyib.
“Moskva “Qazprom”dan istifadə edərək, bu qışı Avropa ölkələri üçün ən ağır qışa çevirməyə çalışır. Terrorla mübarizə aparılmalıdır. Sanksiya ilə cavab vermək lazımdır”, – Zelenski vurğulayıb.
Qeyd edək ki, ötən gün Avropada təbii qazın birja qiymətləri artaraq min kubmetr üçün 2244 dolları ötüb.