Kolumbiya polisi prezident İvan Dukeyə sui-qəsdin təşkilatçısını saxlayıb.
Trend xəbər verir ki, bu barədə ölkənin müdafiə naziri Dieqo Molano öz Twitter səhifəsində yazıb.
“Biz onun izinə düşdük və onu saxladıq. O, iyunun 25-də Kukutada prezident İvan Dukenin helikopterinə terror hücumunun təşkil etməkdə şübhəli bilinir. Bu gün o, xüsusi əməliyyat nəticəsində yaxalanıb”, – deyə nazir bildirib.
Kolumbiya hüquq-mühafizə orqanlarının məlumatına görə, Aurelio ləqəbli şəxs 25 iyun 2021-ci ildə İvan Dukeyə hücuma görə məsuliyyəti öz üzərinə götürən Kolumbiyanın İnqilabçı Silahlı Qüvvələrinin (FARC) üzvüdür.