Kiyevə raket zərbələrinin Belarus ərazisindən, Baranoviçi şəhərindən endirilməsi barədə məlumatlar var.
AzerTimes xəbər verir ki, bunu Ukrayna Daxili İşlər Nazirliyinin müşaviri Anton Geraşenko Tvitterdə yazıb.
“Bu hələ ki, ehtimaldır. Belarus Prezidenti Aleksandr Lukaşenko da rusiyalı həmkarı Vladimir Putin kimi hərbi cinayətkardır və o, da məsuliyyət daşıyacaq. Budəfəki hava hücumu zamanı kritik infrastruktur obyektlər vurulub, 18 fərdi evə ziyan dəyib. Xilasedicilər hadisə yerində çalışırlar. İlkin məlumata görə, itki yoxdur”, – Geraşenko vurğulayıb.
Qeyd edək ki, bu gün Rusiya Silahlı Qüvvələri Ukraynanın paytaxtı Kiyevə raket zərbələri endirib.