Şimali Koreya lideri Kim Çen İn müharibə istəyir, ABŞ çox gec olmadan hərəkət etməlidir.
AzerTimes xəbər verir ki, bu barədə “Nyu York Tayms” yazıb.
“Soyuq müharibə bitəndən bəri müharibə təhlükəsindən tutmuş sülh vədinə qədər, hər formulun sınaqdan keçirildiyi görünür. Bununla belə, hər hansı digər ölkədən daha çox sanksiyalara məruz qalmasına baxmayaraq, Şimali Koreya nüvə arsenalını inkişaf etdirib. Təxminən 50 döyüş başlığı və bu silahları nəzəri olaraq ABŞ-ın kontinental hədəflərinə çatdıra bilən mürəkkəb raketlərə malikdir. Kim Çen İn Şimali Koreya ilə ABŞ arasında münasibətləri düzəltməkdən imtina edib. Əvəzində Pxenyan Moskva ilə yaxınlaşmağa başlayıb. Bu yolla Kim Çen İn öz müharibəsinə hazırlaşmağa başlaya bilər”, – nəşr bildirib.