Kanada XİN Rusiyaya tətbiq edilən sanksiya siyahısındakı şəxslər və müəssisələrin siyahısını açıqlayıb.
AzerTimes xəbər verir ki, siyahıda Ukraynanın sabiq prezidenti Viktor Yanukoviç və onun oğlu Aleksandr da var. Eyni zamanda sanksiya tətbiq edilən fiziki şəxslər sırasına bloger Yuri Podolyak, Donetskin sabiq “informasiya nazirinin birinci müavini” Danil Bezsonov və s. salınıb.
Hüquqi şəxslərdən isə işğal nəticəsində yaradılmış qondarma təhsil və mədəniyyət nazirlikləri, eləcə də Rusiya tərəfində döyüşən Ukrayna hərbi şirkətləri sanksiyaya məruz qalıb.
Qeyd edək ki, ötən gün Kiyevə səfər edən Kanada Baş naziri Castin Trudo Rusiyaya bağlı 24 fiziki və 17 hüquqi şəxsə sanksiya tətbiq edildiyini açıqlamışdı.