Futbolçu Eduardo Kamavinqa Fransanın “Renn” klubundan İspaniyanın “Real” komandasına transfer edilib.
Trend xəbər verir ki, bu barədə Madrid komandasının mətbuat xidməti məlumat yayıb.
18 yaşlı yarımmüdafiəçi ilə müqavilə 2027-ci ilin iyuluna qədər imzalanıb. Transfer məbləği 30 milyon avro təşkil edib.
Kamavinqa “Renn”də bütün turnirlərdə 88 matç keçirib, 2 qol vurub və 5 faydalı ötürmə verib. Fransa millisinin əsas heyətində isə 3 oyun keçirib və 1 qol vurub.