İstanbul Hava Limanı avqust ayında gündəlik orta hesabla 1511 uçuşla Avropanın ən işlək hava limanı olub.
AzerTimes xəbər verir ki, bu barədə Avropa Hava Naviqasiyasının Təhlükəsizliyi Təşkilatının 24-30 avqust tarixləri üzrə məlumatlarında qeyd olunub.
Məlumata görə, İstanbul Hava Limanı gündə orta hesabla 1522 uçuşla Avropada liderliyini qoruyub.
Qeyd edək ki, Türkiyənin ikinci ən işlək hava limanı olan Antalya Hava Limanı gündəlik 1021 uçuşla 7-ci yerdədir.