İsrailin xarici işlər naziri İsrail Katz martın 31-də Türkiyədə bələdiyyə seçkilərində qələbəsi münasibətilə türk müxalifətini təbrik edib.
AzerTimes xəbər verir ki, Katz xüsusilə İstanbul bələdiyyə başqanı Əkrəm İmamoğlu və Ankara bələdiyyə başqanı Mansur Yavaşa təbrik ünvanlayıb.
O, seçkilərdə hakim AKP-nin məğlubiyyətini “Prezident Ərdoğana açıq mesaj” adlandırıb:
“İsrailə hücum etmək artıq işə yaramır, o, yeni şeylər tapmalıdır”.
Qeyd edək ki, İsrail XİN başçısının təbriki və xüsusilə Prezident Ərdoğan barədə sözlərinə Türkiyə mediası sərt reaksiya verib.