ABŞ-ın Florida ştatında yaşayış binasının çökməsindən sonra axtarış və xilasetmə missiyasında iştirak etmək üçün İsrial ABŞ-a heyət göndəriləcək.
AzerTimes-ın “TASS”a istinadən verdiyi məlumata görə, bu barədə İsrailin Xarici İşlər Nazirliyinin “Twitter” səhifəsində deyilir.
Məlumatda bildirilir: “Heyət İsrialin Müdafiə Ordusunun təxminən 10 ehtiyat hərbçisindən ibarətdir, onların hamısı mühəndislik və sosial yardım sahəsində aparıcı mütəxəssislərdir”.
Qeyd edilir ki, İsrail nümayəndələri Mayami dairəsinin və Florida ştatının qəza-xilasetmə xidmətləri ilə əməkdaşlıq çərçivəsində işləyəcəklər.
Qeyd edək ki, iyunun 24-ü ABŞ-ın Mayami-Deyd dairəsində yaşayış binası çöküb. Hadisə nəticəsində 5 nəfər həlak olub, 156 nəfər isə itkin düşüb.