İraqda təhlükəsizlik qüvvələri Kərkük əyalətinin cənubunda İŞİD terror təşkilatına qarşı genişmiqyaslı əməliyyat keçirib.
AzerTimes xəbər verir ki, bu barədə Kərkükün əməliyyatlar üzrə komandanı Əli Freci “Anadolu” agentliyinə deyib.
O bildirib ki, əməliyyat zamanı 38 terrorçu saxlanılıb, çoxlu sayda silah-sursat isə ələ keçirilib.
Bundan başqa, 8 bunker məhv edilib, 17 bomba və çoxlu silah-sursat müsadirə olunub.
Qeyd edək ki, İŞİD 2014-cü ilin iyununda İraqın Mosul, Səlahəddin və Ənbar vilayətlərini, Diyalə və Kərkük vilayətlərinin bir qismini ələ keçirib və bu bölgələr illər ərzində terrorçulardan geri alınıb.