İranda Novruz çərşənbəsi mərasimlərində 26 nəfər ölüb, daha 4 360 nəfər isə yaralanıb.
AzerTimes xəbər verir ki, bu barədə “Mehr” agentliyi məlumat yayıb.
Bildirilib ki, bayram günlərində 1400-ə yaxın təcili tibbi yardım stansiyası yüksək hazırlıq vəziyyətinə gətirilib.
Təkcə Tehranda gün ərzində yanğın təhlükəsi ilə bağlı 1,8 min çağırış daxil olub, paytaxtın 2 sakini ölüb.
Vətəndaşlar əsasən tonqalın üstündən tullanmaq və pirotexniki vasitələrdən düzgün istifadə edilməməsi səbəbindən yanıq xəsarətləri alıblar.