Təbrizdə yaşayan azərbaycanlı fəal Hüseyn Kuşi İranın təhlükəsizlik orqanları tərəfindən həbs edilib.
AzerTimes xəbər verir ki, bu barədə “Azad İran” Teleqram kanalı məlumat yayıb.
Məlumata görə, hökumət qüvvələri fəalın evində qanunsuz axtarış aparıb və ona qarşı zorakılıq ediblər.
Xatırladaq ki, Hüseyn Kuşi Güney Azərbaycanda tanınmış fəhlə hərəkatı fəallarından sayılır və uzun illər işçilərin hüquqları uğrunda apardığı mübarizəyə görə dəfələrlə basqılara məruz qalıb.