İranın cənub-şərqindəki Sistan və Bəlucistan əyalətində daşqınlar nəticəsində azı 400 nəfər zərər çəkib.
AzerTimes xəbər verir ki, bu barədə İSNA agentliyi məlumat yayıb.
Bildirilir ki, ştatın cənub-qərbində 15 xilasetmə qrupu zərərçəkənlərə yardım edib. 300-dən çox insan Qızıl Aypara Cəmiyyətinin çadırlarına yerləşdirilib, zərərçəkənlərə lazımi yardım göstərilib. Onlara ərzaq bağlamaları, isti paltarlar və ilkin tələbat malları verilib.
Sistan və Bəlucistan əyalətinin mərkəzi bölgəsinin başçısı bildirib ki, leysan yağışları nəticəsində bir çox infrastruktur obyektləri, o cümlədən kənd təsərrüfatı obyektləri zədələnib.