Mövcud rejim İran üzərində hakimiyyətinin başlanğıcından bəri edamdan öz müxaliflərinə nəzarət etmək üçün bir vasitə kimi istifadə edib, hazırda isə siyasi edamlar yeni mərhələyə daxil olur.
AzerTimes xəbər verir ki, bu barədə CNN-in son hesabatında bildirilib.
“İran təhlükəsizlik zabitini öldürməkdə ittiham etdiyi daha iki etirazçını edam etməklə beynəlxalq ictimaiyyətin yeni etiraz dalğasını başladıb. Hökuməti tənqid edənlər deyirlər ki, bu məhkəmələr şou və məcburi etiraflardan ibarətdir”, – hesabatda qeyd olunub.
CNN-in hesablamalarına görə, hazırda İranda azı 43 nəfər ölüm cəzası ilə üz-üzədir. Lakin Tvitterdə “1500Tasvir” fəal qrupu bu rəqəmin 100-ə qədər ola biləcəyini yazır.
Qeyd edək ki, Beynəlxalq Əfv Təşkilatı ötən 1 il ərzində İrandakı edamların 20 faiz artdığını açıqlayıb.