İranda psixiatrik dərmanların çatışmazlığı xəstələri ağır xəstəlik əlamətlərinin geri qayıtması riski ilə üz-üzə qoyur.
AzerTimes xəbər verir ki, bunu İran Psixiatrların Elmi Assosiasiyasının rəhbəri Məcid Sadiqi Prezident İbrahim Rəisiyə yazdığı açıq məktubunda deyib.
“Ölkədə psixiatriya sahəsi ilə bağlı dərman çatışmazlığı ciddi çətinliklərə səbəb olub. Bu dərmanların istifadəsinin dayandırılması və yaxud məcburi dəyişməsi xəstələr üçün çox pis nəticələnə bilər”, – məktubda qeyd olunub.