İran MAQATE-nin baş direktoru Rafael Qrossinin İrana səfər cədvəlini təsdiqləmədi.
AzerTimes xəbər verir ki, bu barədə İranın Atom Enerjisi Təşkilatının hazırkı rəhbəri Məhəmməd İslami məlumat verib.
“Onun səfəri bizim cədvəlimizə daxildir, ancaq çətin ki, mart ayında olsun. Qrafikdə çox sıxlıq var”, – o bildirib.
Qeyd edək ki, ötən gün MAQATE-nin baş direktoru Rafael Qrossi Tehranın uranı kommersiya ehtiyaclarından daha yüksək səviyyədə zənginləşdirməyə davam etməsindən narahatlığını ifadə edərək, gələn ay İrana səfər etməyi planlaşdırdığını bildirmişdi.