İran dünya gücləri ilə uzunmüddətli nüvə sazişinin baş tutmayacağı təqdirdə Rusiyadan onun nüvə proqramını dəstəkləməsini istəyəcək.
AzerTimes xəbər verir ki, bu barədə CNN məlumat yayıb.
Nəşrin məlumatına görə, ABŞ kəşfiyyat rəsmiləri bildirir ki, İran əlavə nüvə materialları əldə etmək və nüvə yanacağı istehsalında kömək üçün Rusiyaya müraciət edib. Bu yanacaq İranı nüvə reaktorlarını gücləndirməyə və nüvə silahı yaratmağa yaxınlaşdıra bilər.
Həmçinin bildirilib ki, İranın nüvə silahı əldə etməsinə açıq şəkildə qarşı çıxan Kremlin bu cür yardıma necə reaksiya verəcəyi məlum deyil.