Çexiyanın paytaxtı Praqa küçələrindən ABŞ ordusunun təqribən 30-dək klassik avtomobili və motosiklindən ibarət kolonna keçib.
AzerTimes xəbər verir ki, bu aksiya Avropada II Dünya müharibəsinin başa çatmasının növbəti ildönümünü qeyd etmək üçün təşkil olunub. Bu il “Azadlıq konvoyu” artıq 19-cu dəfə keçirilir. Təşkilatçılar bildiriblər ki, bu aksiya ilə onlar əsarətə, təqibə qarşı qəhrəmancasına mübarizə aparan çexləri, amerikalıları və digərlərini alqışlamağı qərara alıblar. Bununla da, onlar faşizmə qarşı mübarizədə həlak olanları yad ediblər.
Avtomobil yarışını zəngin hərbi-tarixi və mədəni proqram müşayiət edir. Bu proqrama sərgilər, konsertlər və memorial aksiyalar daxildir. Kolonna Çexiyanın digər şəhərlərində də hərəkəti davam etdirəcək.