Azərbaycanda onlayn ödəmələr sahəsində lider olan Goldenpay/Hesab.az onlayn xidmətlər platforması Bakcell şirkəti ilə birlikdə təqdim etdiyi Qurban bayramına özəl kampaniya ilə istifadəçilərini sevindirməyi unutmur.
Bakcell şirkəti və Hesab.az-ın birgə təqdim etdiyi kampaniyada 16 İyul – 24 İyul tarixləri arasında Hesab.az-da Bakcell nömrələrinin balansını qeydiyyatlı şəkildə artıran istifadəçilər iştirak edəcək. Kampaniyanın şərtlərinə əsasən, “Ulduzum” kodu ilə Bakcell ödənişini həyata keçirən istifadəçilər həmin an 2-QAT Bonus və ya Hesab Koinlər qazanacaq.
Məlumat üçün bildirək ki, “Qazananlar Klubu” Hesab.az-ın sadiqlik proqramı çərçivəsində təqdim etdiyi proqramdır və Hesab.az-da qeydiyyatlı olan, yaxud yeni qeydiyyatdan keçən bütün istifadəçilər “Qazananlar Klubu”-na avtomatik qoşulurlar. Bonuslar və Hesab Koinlər istifadəçilərə təklif olunan Hesab.az-ın virtual məhsuludur və istifadəçilər ödənişləri müqabilində Bonuslar toplaya və ya seçimi dəyişərək Hesab Koin qazana bilirlər. İstifadəçilər “Qazananlar Klubu” çərçivəsində qazandıqları bonusları “Dərhal dəyiş” bölməsində sərfəli kampaniya və endirimlərə dəyişmək üçün, Hesab Koinləri isə, “Dərhal dəyiş” bölməsində təklif olunan hədiyyələr və eyni zamanda növbəti ödənişlər üçün sərf edə bilərlər.
Yeni layihə və kampaniyalar üzərində səylə çalışan Hesab.az komandası, yaxın zamanda istifadəçilərini sevindirməyə davam edəcək.
Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.
2011-ci ilin aprel ayında GoldenPay şirkəti Hesab.az – Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.
Bakcell şirkəti ölkənin ən genişmiqyaslı loyallıq proqramlarından birini həyata keçirməklə öz abunəçilərini eksklüziv endirimlər və güzəştlərlə təmin edir. Azərbaycanda ən uğurlu loyallıq proqramlarından biri hesab olunan “Ulduzum”un geniş partnyor şəbəkəsi yüzlərlə yerli və beynəlxalq tərəfdaşın satış və xidmət nöqtəsini özündə birləşdirir.