Pakistanda terror hücumu nəticəsində azı 7 hərbçi həlak olub.
AzerTimes xəbər verir ki, bu barədə Pakistan Müdafiə Nazirliyi məlumat yayıb.
Məlumata görə, terrorçular partlayıcı və kamikadze ilə yüklənmiş maşından istifadə edərək Əfqanıstanın yaxınlığında hərbi posta hücum ediblər.
Nəticədə təhlükəsizlik qüvvələrinin 7 əsgəri həlak olub. Atışma zamanı 6 terrorçu da məhv edilib.
Qeyd edək ki, Pakistan hökuməti və təhlükəsizlik rəsmiləri son aylarda terror hücumlarının artdığını, onların əksəriyyətinin Pakistan Talibanı (TTP) tərəfindən törədildiyini bildiriblər. Bu hücumlar İslamabad və Kabildəki Taliban hərəkatı arasında münasibətləri də korlayıb.