Futbolçularımı qələbə münasibətilə təbrik edirəm. Yaxşı oyun nümayiş etdirdilər.
AzerTimes xəbər verir ki, bu sözləri “Qarabağ” klubunun baş məşqçisi Qurban Qurbanov Azərbaycan Premyer Liqasının sonuncu – XXXVI turunda “Araz-Naxçıvan”la 2:2 hesablı heç-heçə etdikləri matçdan sonra təşkil olunmuş mətbuat konfransında deyib.
Mütəxəssis 2023-2024-cü illər mövsümünü ilk pillədə başa vuran komandasının 11-ci çempionluğunu şərh edib:
“Bu gün sakit oyun keçirdik. Hər il stabilliyi qoruyub saxlaya biliriksə, bu, bizim üçün böyük uğurdur. Hər mövsümün əvvəlində qarşımıza məqsəd kimi çempionluğu qoyuruq. Bundan sonra da önümüzə baxacağıq. Digər turnirlərdə də özümüzü yaxşı tərəfdən göstərəcəyik”.