Mayın 6-da Həmədan şəhərində qızların təhsil aldığı “Nərgiz” orta məktəbində onlarla şagird naməlum kimiyəvi qazdan zəhərlənib.
AzerTimes xəbər verir ki, bu barədə sosial media fəalları və şagirdlərin valideynləri məlumat yayıblar.
Məktəbin qarşısına çoxlu sayda təcili tibbi yardım maşınlarının gəldiyi və onlarla şagirdin xəstəxanalara göndərildiyi bildirilib.
Kürdüstan əyalətinin Mərivan şəhərinin “Məbəs” və “Ümmülbənin” məktəblərinində də oxşar hadisə baş verib.
Qeyd edək ki, İranda qız məktəblərində şagirdlərin zəhərlənməsi ilk dəfə 2022-ci il noyabrın ayında Qum şəhərində qeydə alınıb.
Bu günə kimi 28 əyalətin 100 şəhərinin 250-dən çox məktəbində 7 mindən çox qız şagird zəhərlənib.