Gürcüstan 1991-ci ildə dövlət müstəqilliyinin bərpasını elan etdiyi gündən ölkəni vəd edilmiş torpağa aparacaq Musanın yolu ilə gedir.
AzerTimes xəbər verir ki, bunu Baş nazir İrakli Kobaxidze Gürcüstanın Müstəqillik Günü münasibətilə təşkil olunan mərasımdə çıxışı zamanı deyib.
“70 illik Sovet hakimiyyətinin sonunda, 1990-cı ildə Gürcüstanda çoxpartiyalı seçkilər keçirildi və 1991-ci ildə Gürcüstan dövlət müstəqilliyinin bərpasını elan etdi. O vaxtdan Gürcüstan bir növ Musanın yolu ilə gedir və bu, əminəm ki, bizi mütləq vəd edilmiş torpağa aparacaq. Gürcülər üçün vəd edilmiş torpaq 2030-cu ildə Gürcüstanın müstəqilliyinin bərpasının 40-cı ildönümünə qədər abxaz və osetin qardaş və bacıları ilə birlikdə vahid və güclü ölkədə yaşamaqdır”, – Kobaxidze bildirib.