Qərbi Azərbaycan əyalətinin Tikantəpə (Tikab) şəhərindən olan Unur Hidayətinin məktəbəqədər təhsilin bağlanış mərasimindəki çıxışı rezonans yaradıb.
AzerTimes xəbər verir kii, bu barədə Güney Azərbaycan sosial media kanallarında paylaşım edilib.
6 yaşlı Unurun “Bir kərə qalxan bayraq, bir daha enməz” mahnısını ifa etməsi mərasimə toplaşan şagirdlər və valideynlər tərəfindən coşqu ilə qarşılanıb. Uşağın Azərbaycan dilində milli vətənpərvərlik ruhunda oxuduğu şeiri Güney Azərbaycan sosial media şəbəkələrində trendə çevrilib.
Qeyd edək ki, Unur adının türkcə olduğuna görə, İran Qeydiyyat İdarəsi ona 4 il şəxsiyyət vəsiqəsi verməyib. Dəfələrlə məhkəmələrə müraciət edən ailə 4 il sürən mübarizədən sonra övladlarına Unur adı ilə şəxsiyyət vəsiqəsi ala biliblər.