İranda son etiraz aksiyalarında həbs edilən Güney azərbaycanlı gənc Səhənd Nurməhəmmədzadə Tehranın təhlükəsizlik idarəsinin təcridxanasına köçürülüb.
AzerTimes xəbər verir ki, bu barədə gəncin ailəsi məlumat verib.
Bir həftədən uzun müddətdir övladları barədə heç bir məlumat ala bilmədiklərini deyən ailəsi Səhəndin həyatından nigaran olduqlarını bildiriblər.
Qeyd edək ki, Tehranın İnqilab Məhkəməsi güneyli idmançı Səhənd Nurməhəmmədzadəni öncə edama məhkum etmişdi. O, barəsində çıxarılan qərardan şikayət etdikdən sonra ölüm hökmü 10 il azadlıqdan məhrumetmə, 5 il sürgün və 74 şallaq cəzası ilə dəyişdirilmişdi.