İranın Gilan əyalətinin Cavahirdəşt bölgəsində 50 turist mülki geyimli şəxslərin hücumuna məruz qalıb.
AzerTimes xəbər verir ki, bu barədə yerli sosial media fəalları məlumat yayıblar.
Məlumatda bildirilib ki, soyuq silahlarla edilən hücum nəticəsində turistlərin avtomobilləri yararsız hala salınıb. Turistlər döyülüb, bir neçəsi isə bıçaq yarası aldığı üçün xəstəxanalara yerləşdirilib.
Qeyd edək ki, bir neçə gün əvvəl SEPAH üzvləri Simnan Əyalətinin Opert turizm düşərgəsində də oxşar hadisə törədərək, bir neçə nəfəri yaralayıblar.