İsveçin “Şimal axını” və “Şimal axını 2” qaz kəmərlərinin təxribatı ilə bağlı araşdırmanın nəticələrini açıqlamaqdan imtina etməsi hadisədə onun iştirakını göstərə bilər.
AzerTimes xəbər verir ki, bu barədə fransız siyasətçi Florian Filippo Tvitter səhifəsində yazıb.
“Biz bilirik ki, bu, Rusiya deyil və biz bilirik ki, bu, NATO qüvvələrinin partlayışda iştirakını göstərir. Həqiqət tezliklə üzə çıxacaq”,- o bildirib.
Qeyd edək ki, bir gün əvvəl Rusiya Müdafiə Nazirliyi Britaniya Hərbi Dəniz Qüvvələrinin nümayəndələrinin “Şimal axını”nı partlatmağı planlaşdırmaqda iştirak etdiyini açıqlamışdı. Böyük Britaniyanın Müdafiə Nazirliyi isə Moskvanın Londonun qaz kəmərlərinin partladılmasında iştirakı ilə bağlı bəyanatını uydurma adlandırmışdı.