Fransada ölkənin Dənizkənarı Sein departamentində yerləşən məscidlərdən birində və təhsil müəssisəsində çox sayda insanı qətlə yetirməyi planlaşdıran 19 yaşlı lisey şagirdi saxlanılıb.
AzerTimes-ın “Le Parisien” qəzetinə istinadən verdiyi məlumata görə, şagird terror aktını prezident seçkilərinin birinci turuna 4 gün qalmış – 2022-ci ilin 20 aprel tarixində törətmək niyyətində olub.
Məlumata əsasən, sorğu zamanı şagird bildirib ki, təhsil müəssisəsində məruz qaldığı təhqirlərə görə lisey şagirdlərindən bu yolla qisas almaq istəyirmiş.