Çərşənbə axşamı bütün Fransada təqaüd yaşının artırılması əleyhinə keçirilən nümayişlərdə 757 min nəfər iştirak edib.
AzerTimes xəbər verir ki, bu barədə Fransa Daxili İşlər Nazirliyi məlumat yayıb.
Bildirilib ki, yalnız paytaxt Parisdə 57 min insan nümayişə çıxıb.
Fransanın aparıcı həmkarlar ittifaqı “Ümumi Əmək Konfederasiyası” öz növbəsində bildirib ki, bütün ölkə üzrə etiraz aksiyalarında 2 milyona yaxın, Parisdə isə 400 min insan iştirak edib.