Fransa Aerokosmik Qüvvələri nüvə yükü daşıya bilən
təkmilləşdirilmiş orta mənzilli hava-yer raketini (ASMPA) sınaqdan
keçirib.
AzerTimes-ın
məlumatına görə, bu barədə “Agence France-Presse” qəzeti xəbər
verib.
“Fransanın Silahlı Qüvvələr Naziri Florens Parli 23 mart 2022-ci
ildə təkmilləşdirilmiş ASMPA-nın nüvə yükü olmadan uğurla sınaqdan
keçirilməsindən böyük məmnunluğunu ifadə edir”, – deyə Nazirliyin
mətbuat xidmətindən bildiriblər.
“MBDA” şirkəti istehsalı olan raket Fransanın Kazo hava
bazasından havaya qalxan Rafale təyyarəsindən atılıb. Digər
təfərrüatlar verilməyib.