Əməkdar artist Firuzə İbadova səhnədən gedəcəyi xəbərlərini təkzib edib.
AzerTimes Unikal.az-a istinadən xəbər verir ki, müğənni “Firuza İbadova Cavanşir Məmmədov üçün səhnəyə əlvida dedi” başlıqlı xəbərin yalan olduğunu bildirib.
“Cavanşir Məmmədovdan sonra səhnəni heç kimlə paylaşa bilmərəm, mən duet oxumağa əlvida demişəm, səhnəyə deyil! Mən sənətimi, səhnəni sevirəm və heç vaxt tərk edə bilmərəm! Əksinə, onun ruhu şad olsun deyə, nəğmələrimizi yaşadacağam”, – deyə əməkdar artist açıqlamasında deyib.
Qeyd edək ki, əməkdar artist Cavanşir Məmmədov aprelin 20-də dünyasını dəyişib.