Xəbər - Orxan Nəbiyev – Trend:
Ermənistanın hüquq-mühafizə orqanları İqtisadiyyat Nazirliyində araşdırmalara başlayıb.
Trend-in məlumatına görə, bu barədə Ermənistan KİV-ləri yazır.
Qeyd olunur ki, ölkənin Auditorlar palatası Baş prokurorluğa 2021-ci il 9 ayı ərzində Ermənistan dövlət büdcəsinin icrasının yoxlanılması ilə bağlı materiallar göndərib. Həmin materiallarda cinayət tərkibinin olub-olmaması ilə bağlı araşdırmalar aparılır.
Ermənistanın baş prokurorluğu hazırda araşdırmaların davam etdiyini bildirib.