Ermənistanda elektrik qatarı yük maşını ilə toqquşub.
AzerTimes xəbər verir ki, bu barədə Cənubi Qafqaz Dəmir Yolu şirkəti məlumat yayıb.
Məlumata görə, hadisə dünən axşam saatlarında Karakert-Dalarik zolağında mühafizə olunmayan keçiddə baş verib.
“Aprelin 15-də saat 19.00 radələrində Gümrü-İrəvan marşrutu ilə hərəkət edən Cənubi Qafqaz Dəmir Yolu şirkətinə məxsus elektrik qatarı dəmir yolu relslərindən keçən yük maşını ilə toqquşub. Toqquşma nəticəsində qatar relsdən çıxıb. Yük maşınının sürücüsü və sərnişini, eləcə də qatardakı sərnişinlərdən biri yaralanıb”, – məlumatda qeyd olunub.