Ermənistan Müdafiə Nazirliyi 2,5 milyard dram (6.5 milyon dollar) məbləğində əlavə vəsait alacaq.
AzerTimes xəbər verir ki, bu barədə Ermənistan hökumətinin iclasında qərar qəbul edilib.
Vəsaitlər nazirliyin əvvəllər nəzərdə tutulmayan ehtiyaclarını – həm cari, həm də əsaslı xərclərini ödəmək üçün nəzərdə tutulub.
Hökumətin bundan əvvəl də keçirilən iclasında Müdafiə Nazirliyinə əlavə 6.7 milyard dram (17 milyon dollar) ayrılmışdı.
Qeyd edək ki, 2023-cü ildə Ermənistanın hərbi büdcəsi 506 milyard dram (təxminən 1.31 milyard dollar) nəzərdə tutulub. Bu, 2022-ci ilin hərbi büdcəsindən 35 faiz çoxdur.