Ermənistanda saxlanılan azərbaycanlı hərbçi xoşməramlılıq əlaməti olaraq Azərbaycana qaytarılacaq:
“Xoş niyyət əlaməti olaraq və Ermənistan ilə Azərbaycan arasında əldə olunmuş ən yüksək səviyyədə razılığa əsasən, azmış və qarşı tərəfə düşmüş hər iki tərəfin hərbi qulluqçuları ən qısa zamanda geri qaytarılmalıdır. Ermənistan Respublikası Ruslan Eldəniz oğlu Pənahovun Azərbaycan tərəfinə təhvil verilməsinə qərar verib”, – Ermənistan Milli Təhlükəsizlik Xidmətinin bəyanatında bildirilib.