Ərəb Liqasının son iclasında Suriyanın ərəb ölkələri sırasına qayıtması məsələsinə müsbət rəy verilsə də, Qətər Dəməşqin siyasəti ilə bağlı öz mövqeyini dəyişmədiyini bəyan edib.
AzerTimes xəbər verir ki, Qətər Xarici İşlər Nazirliyinin sözçüsü Məcid əl-Ənsari Dohanın Suriya ilə bağı əvvəlki mövqeyində qaldığını, eyni zamanda, Ərəb Liqasının Dəməşqin ərəb ölkələri ailəsinə qayıtması ilə bağlı qərarına etiraz etmədiyini deyib.
Onun sözlərinə görə, Suriya rəhbərliyi, ilk növbədə, ölkə daxilində sabiqlik yaratmalı, öz xalqının birliyini təmin etməlidir.
Qeyd edək ki, ötən həftə Qahirədə keçirilən Ərəb Liqasının iclasında ərəb ölkələrinin xarici işlər nazirləri Suriyanın bu təşkilatda üzvlüyünün bərpasına səs vermişdi. Bu məsələ mayın 19-da Səudiyyə Ərəbistanında keçiriləcək Ərəb Liqası sammitində dövlət başçıları səviyyəsində də müzakirə olunacaq.