Türkiyə Prezidenti Rəcəb Tayyib Ərdoğan aprelin 8-də respublikanın Avropada Adi Silahlı Qüvvələr haqqında Müqavilədən (CFE) çıxması haqqında fərman imzalayıb.
AzerTimes xəbər verir ki, bu barədə “Rəsmi qəzet”də məlumat dərc olub.
“Prezidentin 9 saylı fərmanının 3-cü maddəsinə uyğun olaraq, aprelin 8-dən CFE Müqaviləsinin fəaliyyətinin dayandırılması barədə qərar qəbul edilib”,- məlumatda bildirilib.
Ankaranın fikrincə, saziş hazırkı şəraitdə öz mənasını itirib və ondan irəli gələn öhdəliklər əslində yerinə yetirilmir.
Qeyd edək ki, CFE Müqaviləsi 1990-cı il noyabrın 19-da Parisdə imzalanmış və Türkiyə hökuməti tərəfindən 1992-ci il iyulun 1-də ratifikasiya edilmişdi.