Yanvarın 29-da Ərdəbil Mühəqqiqi Universitetində 1945-ci il Cənubi Azərbaycan hökumətinin qurucusu Seyid Cəfər Pişəvərinin foto və posterləri yayılıb.
AzerTimes xəbər verir ki, universitet binası və divarlarına yapışdırılan fotoların altında Pişəvərinin 1945-ci ildə dediyi “Azərbaycan bütün İranla bir yerdə Hindistan kimi İngiltərə əsiri olmaqdansa, İrlandiya kimi azad olmağa üstünlük verir” ifadəsi yer alıb.
Bundan sonra universitetə mülki geyimli təhlükəsizlik məmurlarının gəldiyi, posterləri yığışdırdıqdan sonra bir neçə nəfəri dindirdikləri bildirilir.