Ukrayna ordusu əks-hücumun ilkin mərhələsinin keçirildiyi Zaporojye vilayətində taktiki uğurlar əldə edib.
AzerTimes xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.
Məlumata görə, Ukrayna ordusu cəbhənin azı 10 istiqamətində əks-hücum əməliyyatları aparıb:
“Xüsusi aktivlik Luqansk vilayətinin Beloqorovka istiqamətində Baxmut rayonunda, Donetsk və Zaporojye vilayətlərinin sərhədindəki Bolşoy Novoselka, Zaporojye vilayətinin Orexovo rayonunda qeydə alınıb. Ukrayna ordusu Orexovodan cənub-qərb və cənub-şərq istiqamətinə taktiki irəliləyişlər əldə edib. Ukraynanın bu uğurlarını rusiyalı hərbi jurnalistlər də təsdiq edir”, – məlumatda qeyd olunub.