Xəbər - Elçin Mehdiyev – Trend:
Ehtiyac meyarı və yaşayış minimumu arasında fərqin minimuma çatdırılması istiqamətində addımlar atılır.
AzerTimes-ın məlumatına görə, bunu Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2022-ci il dövlət büdcəsi haqqında” qanun layihəsinin müzakirəsi zamanı əmək və əhalinin sosial müdafiəsi naziri Sahil Babayev deyib.
Nazir bildirib ki, Əmək və Əhalinin Sosial Müdafiə Nazirliyinin 2023-cü ildə yaşayış minimumu ilə ehtiyac meyarının həddi bərabərləşdirilməsi ilə bağlı təklifi olacaq.
“2022-ci il üçün bu fərq cəmi 10 manatdır. Nazirlik olaraq hədəfimiz, niyyətimiz və təklifimiz 2023-cü ildə bu rəqəmlərin bərabərləşdirilməsi ilə bağlı olacaq” – deyə, nazir qeyd edib.